Кабан күле буенда "Иске Татар бистәсе аксакаллары" фотокүргәзмәсе уза
Фотосурәтләрдә шәһәрнең тарихи районы аксакаллары сурәтләнгән.
Казанның Кабан күле яр буенда «Иске Татар бистәсе аксакаллары» фотокүргәзмәсе уза. Фотосурәтләрдә шәһәрнең татар сәүдәгәрләре токымыннан булган 16 шәһәр кешесе һәм шәһәрнең тарихи районы аксакаллары сурәтләнгән. Сурәтләрне фотограф Булат Арсланов ясаган, ул Яр Чаллыда туып үскән, хәзерге вакытта Мәскәүдә яши һәм эшли, дип хәбәр итә Парклар һәм скверлар дирекциясе.
Фотокүргәзмә геройларының күпчелеге Иске Татар бистәсендә үскән. Хәтта шәһәрнең башка районнарына күченеп киткәннәр хәзер дә әлеге тарихи территория тормышында катнаша: экскурсияләр үткәрә, китаплар чыгара, шәһәр хакимиятенә мәдәни-тарихи мирасны саклауда булыша, йортлар торгыза, тарихи һәйкәлләрне саклау өчен актив эшләр башкара.
Чыганак: Казан мэриясе сайты
Иң мөһим һәм кызыклы язмаларны Татмедиа Telegram-каналында укыгыз
