Спас ярминкәсе кайчан узачагы билгеле булды

Алабуга шәһәрендә елның иң матур чараларыннан берсе - Бөтенроссия Спас ярминкәсе узачак.

2021 елның 6, 7, 8 августында Алабуга шәһәрендә елның иң матур чараларыннан берсе -Бөтенроссия Спас ярминкәсе узачак. Ярминкәдә осталар үзләренең уникаль эшләнмәләрен тәкъдим итәчәк. Шулай ук концерт программалары, төрле характердагы мастер-класслар оештырылачак. 

 

Һөнәрчеләр ишегалды — ярминкәнең визит карточкасы булачак. Анда Россиянең 20дән артык шәһәреннән һәм торак пунктыннан килгән осталар катнашачак. Өч көн дәвамында проектта катнашучылар 20 декоратив-гамәли сәнгать төре буенча 270 бушлай мастер-класс уздырачак.

Ярминкә кысаларында шулай ук «Вдохновение» автор җыры фестивале һәм нәсел утарлары фестивале дә узачак. Шулай ук алабугалылар һәм шәһәр кунаклары кыңгырау чыңы фестивален дә тамаша кыла алачак.

Чыганак: Алабуга нуры

Иң мөһим һәм кызыклы язмаларны Татмедиа Telegram-каналында укыгыз


Ошый
106
0
0
Комментарийлар (0)
Cимвол калды: