Казан гыйбадәтханәсендә гуманитар склад ачылды

Мохтаҗлар бушлай кием, көнкүреш химиясе, беренчел кирәк-яраклар ала алачак.

Казан благочиниясендә гуманитар ярдәм үзәге эшли башлады. Ул изге Серафим Саровский гыйбадәтханәсе территориясендә урнашкан. Үзәктә мохтаҗлар бушлай кием, көнкүреш химиясе, беренче кирәк-яракларны ала алалар.

Теләге булган һәркем мохтаҗ гаиләләр өчен әйберләр тапшыра ала. Склад хезмәткәрләре яңа кием, медикаментлар, көнкүреш химиясе, балалар смесьләре, подгузниклар һәм бала өчен башка кирәк-яраклар кабул итә. Шулай ук кулланышта булганнар әйберләр дә (яхшы хәлдә балалар караватларын һәм коляскаларын, көнкүреш техникасын) алып килергә була. Шулай ук үзәккә кием-салым өчен киерге-элгечләр дә кирәк.

Складта әйберләр булган очракта, ярдәм барлык мохтаҗларга да күрсәтелә. Теге яки бу кирәкле әйбер булмаган очракта, хезмәткәрләр мөрәҗәгать итүчене көтү кәгазенә кертәләр һәм, әйберләр барлыкка килүгә, аның белән элемтәгә керәләр.

Гуманитар склад чәршәмбе көннәрендә 16:00 сәгатьтән 19:00 сәгатькә кадәр һәм шимбә көннәрендә 10:00 сәгатьтән 13:00 сәгатькә кадәр эшли. Әйберләрне Сафиуллин урамы, 7 адресы буенча урнашкан храмның арткы ишегалдындагы кечкенә генә бинада кабул итәләр һәм бирәләр, дип хәбәр ителә Татарстан митрополиясе сайтында.

Склад эшчәнлеге һәм мохтаҗларга ярдәм күрсәтүгә кагылышлы сорауларны Whatsapp +7(937)777-11-34 (Ксения Логунова) телефоны буенча бирергә мөмкин.

Чыганак: Казан мэриясе сайты 

Иң мөһим һәм кызыклы язмаларны Татмедиа Telegram-каналында укыгыз


Ошый
73
0
0
Комментарийлар (0)
Cимвол калды: